Секторот за внатрешни работи Тетово информира дека продолжува со постапување согласно Проект планот на МВР ,,Безбедно лето-2023“ со засилени контролни активности за поголем ред и безбедност на сообраќајот во поширокиот Полошко подрачје.
-Спроведени се контролни активности за спречување на организирање на диви трки, така што во текот на изминативе денови во период од 22.00-03.00 часот, при вакви контроли, полициските службеници на СВР Тетово исклучиле 14 возила од сообраќај и истите биле упатени на вонреден технички преглед за проверка на техничката состојба и бучавост од кои кај 8 возила биле констатирани неисправности или преголема бучава. Исто така, биле констатирани и санкционирани 3 возила кои нагло ја зголемиле брзината со чкрипење на погонските тркала, нарушувајќи го јавниот ред и мир во доцните ноќни часови информира СВР Тетово.
Со оглед на тоа дека на наше подрачје видно е зголемена сообраќајната фреквенција, СВР-Тетово повторно апелира до возачите ги почитуваат законските правила и прописи во сообраќајот, по готово во касните ноќни часови и да овозможуваат нормален и проточен сообраќај и да не го нарушуваат јавниот ред и мир.
-Се апелира, исто така, да не возат пребрзо и да се воздржат од чкрипење на пневматиците и други ноќни лудории со возилата на кружни текови и слично, затоа што без исклучок ќе бидат санкционирани сите нарушители за да се избегнат посериозни последици, информира СВР Тетово.
На сите возачи – прекршители веднаш се изготвени и законски предвидените поднесоци, а техничките неисправни возила биле исклучени од сообраќајот до отстранување на неисправноста.
