Министерството за образование со ништо не помогна во овие изминати месеци за поддршка на математичкиот гениј Македон од Тетово, објави неговиот татко Владимир, преку социјалната мрежа Фејсбук. Откако пролетоска преку медиумите се дозна за Македон, тој имаше прием кај министерот за образование Јетон Шаќири.
Владимир увидел дека нема да добие баш никаква поддршка од оние чија работа е да направат се што е можно за уште поголем развој на неговиот син со 134 коефициент на интелигенција.
Со еден збор добивме едно големо НИШТО на денот кога Македон го доби третиот медал по математика замислите на светско ниво , порачува таткото преку социјалните мрежи.
-Денеска покрај медалот по математика добивме и голем пораз од државата. Имено пред неколку месеци кога Македон ги освои првите златни медали по математика бевме повикани во министерството за образование на прием кај министерот. Таму бевме дочекани со сите почести многу сликање, поклони, ранец и книги за Македон и најважното многу ветувања
-прво дека ке се среќаваме еднаш месечно за да видиме како напредува Македон и на кој начин тоа да се артикулира-беше ветено од страна на министерот дека ќе стапи во контакт со сите големи амбасади за да и они помогнат во процесот на едукација на Македон-дека ќе се формира комисија што ќе направи програма за надарени деца за да може во иднина да ги едуцира овие деца-Ни беше кажано дека има потенцијални спонзори кои сакаат да останат анонимни да финансираат неограничени средства во школуванњето на Македон.И уште многу други работи, порача таткото преку Фејсбук.
Таткото Владимир со месеци самиот се обидувал и ги барал во Министерството за образование но само видел дека е измамен.
-И сега после неколку месеци покрај многу повици од наша страна до истото тоа министерство, конечно ни кажуваат дека сето тоа било една голем фарса, и дека од сето тоа што го ветиле нема ништо. Ни кажаа дека амбасадите не можеле да ги контактираат на соодветно ниво туку во неформални контакти биле незаинтесирани, дека спонзорите одеднаш станаа незаинтересирани а државата не може да инвестира во ваков тип на образование. Со еден збор добивме едно големо НИШТО на денот кога Македон го доби третиот медал по математика на светско ниво. Што треба едно дете со таков коефициент на итенелигенција и со такви успеси да направи за да добие поддршка од државаат. За сега една голема нула, вели Владимир.
И претседателот Пендаровски имаше прием за Македон во мај, кога порача дека овие „Овие ученици се од посебен интерес за нашето општество и заслужуваат максимална посветеност од страна на државата“, посочувајќи дека е неопходно институциите да создадат стимулативна средина која ќе го поддржи, поттикне и насочи развојот на децата со натпросечна интелигенција.
Македон беше на прием и кај градоначалникот Биљал Касами.