СВР Тетово информира за повеќе пријави за физички напади
Триесет и осумгодишниот тетовец С.А., вчера (22 јуни) во 19 часот и 50 минути во СВР Тетово пријавил дека околу 16 часот и 30 минути на улица „Борис Кидрич“ во Тетово, поради недоразбирање околу паркирање, бил физички нападнат од едно лице. Се расчистува и документира случајот.
Полициски службеници на СВР Тетово, вчера (22 јуни) околу 16 часот и 30 минути го лишиле од слобода 52-годишниот Д.Д. од тетовско село, кој претходно бил пријавен од неговата 47-годишна сопруга дека физички ја нападнал неа и нивниот малолетен син. Тој е задржан во Полициската станица Тетово за расчистување и документирање на случајот.
Вчера (22 јуни) во 9 часот, Ј.М.(44) од тетовско Одри во СВР Тетово пријавил дека во тетовско Беловиште бил физички нападнат од неговиот соселанец И.З.(31). Случајот целосно е расчистен и против инволвираните ќе следуваат соодветни поднесоци.
