Граѓанската иницијатива „Тетово сака парк“ реагираше на прозивката на градоначалникот Биљал Касами и го потсетија на потребата од парк како јавен интерес и неисполнување на ветувањето за средба на стручни лица за оваа идеја.
Касами на прес-конференција денеска посочи дека би направил парк на местото од касарната,а за тоа побара поддршка од иницијативата „Тетово сака парк“.
-Тетово сака парк“ смета дека задоволувањето на потребата од градски парк во Тетово е од јавен интерес, исто како што е и безбедноста, која е условена од постоење на касарната ,,Кузман Јосифоски-Питу“ во Тетово. Од друга страна му предочуваме на градоначалникот дека зградите кои се планирани за потегот ШИК „Јелак“- „Монопол“ – Спортски центар, на последниот неизграден и доминантно државен простор се исклучиво во приватен интерес, сосема штетен по јавниот интерес. Во приликава го потсетуваме градоначалникот дека и по половина година сѐ уште чекаме на исполнување на неговото ветување за средба на стручно ниво помеѓу нашите стручни лица и службата на Општината, на која би се зборувало за начините на реализација на нашиот предлог. Недозволиво е губење време и манипулации, со месеци единствениот изговор е дека има волја, а нема пари – за денеска да не бидат проблем парите туку локацијата. Провидно и површно, соопштија од „Тетово сака парк“.
Градоначалникот побара централната власт ја доделии касарната на општината со цел да површината да ја направи парк, а од иницјативата „Тетово сака парк“ побара поддршка бидејќи, како што рече, дел од нив се функционери на актуелната власт.
ас