По 21 година во тетовска Брвеница повторно почна да се натпреварува локалниот фудбалски клуб Вардар 2022. Клубот постоеше до 2001 година под името Вардар, годинава е повторно регистриран, а се натпреварува во Третата лига запад. Денеска се одигра и првиот дуел во кој Вардар 2022 го совлада тимот на Скендербег со 2-1.
За прв пат се играше и натпревар на реконструираниот фудбалски стадион.
-Натпреварот се играше на фудбалскиот стадион во Брвеница кој изминатиов период од страна на општината беше целосно реконструиран. Имаме нов терен со нова трева, дренажа и наводнување на фудбалскиот стадион. Од годинава во Општина Брвеница повторно се активирани вкупно три нови клубови -Вардар 2022 од Брвеница, Руфеја од Милетино и Беса од Челопек, екипи кои имале традиција на натпреварување но не функционирале одреден период, информираа од Општина Брвеница.
ФК Вардар 2022 како претседател го раководи Јовица Бошковски. Денешниот натпревар го следеше и селектор на македонската фудбалска репрезентација Благоја Милевски.
ас
