Тетовската музичарка Наташа Миха го промовираше „10 Љубови“ нејзиниот најнов албум.Оваа компилација ги содржи сите нејзини досегашни композиции.
-„10 Љубови“ е сублимат на сé што до сега имам објавено, вклучувајќи ги хитовите „Пеперутка“, „Се што знам“ и „Мерлин Монро“. Албумот е збирка на вкупно 10 песни, а 4 од нив се нови дела. „10 Љубови“ содржи композиции кои црпат инспирација од различни музички жанрови, давајќи и акцент на љубовта низ различни сценарија и дејствија, изјави Наташа.
Таа е автор на музиката, текстот и аранжманот на „10 Љубови“ во соработка со Дамир Пух, додека миксот и мастерингот на албумот се целосно негово дело. „10 Љубови“ е снимен и изработен во GreenRoom Sound студио во Скопје. „10 Љубови“ е издаден преку PMG Recordings.
Албумот е достапен за слушање на сите стриминг платформи, а љубителите на добрата музика ќе можат да го набават и во CD формат.
