Младата тетовска оперска пејачка Ивона Нацевска ќе одржи солистичи концерт на 22 ноември во Национална опера и балет“ во Скопје со почеток во 20 часот. Ќе биде придружувана на пијано од Андреј Наунов како и од колегите оперските пејачи, тенорот Влатко Груевски, мецосопранот Мартина Аврамоска и сопранот Биљана Дабеска.
Ивона Нацевска е млада оперска пејачка, уметник, што својот талент,посветеност и љубов кон музиката ги покажува од рано детство. На своја 5 годишна возраст станува член на детскиот хор „Лале“ во Тетово, подоцна и во ГЖМХ „Менада“.
Низ нејзиното музичко образование таа зема учества на концерти и многубројни натпревари во Македонија, Србија и Бугарија.
Нацевска е родена на 12 март 1999 во Тетово и уште од најрана возраст започнува да ја изучува сериозната музика, најпрво како пијанист, посетувајќо го нејзиното нижо музичко училиште во градот, а подоцна како вокален изведувач, поттикната од големите оперски изведувачи.
Водена од забава и љубопитност посетувајќи го детскиот хор „Лале“, Ивона со големо нетрпение и радост влегува во светот на музиката.
Дипломирањето на Ивона на Факултетот за музичка уметност во Скопје, е проследено со нејзин солистички концерт во фоајето на Национална опера и балет.
Во текот на изминативе години Ивона има остварено награди на меѓународни и државни натпревари.
Концерти посветени на руската романска во Софија (Бугарија), оперски гала концерт „Коста Трпков“, концерт на „Живеј со музика“, „Креативни точки“ – 2017, „Креативни точки“ – 2019, „My Way“ – 70 години на маестро Ивица Зориќ, се само дел од настаните на кои Нацевска има оставено свој белег, и кој упорно чекори и тежнее кон поголеми музички остварувања.
Ивона Нацевска моментално е вработена во НУ Национална опера и балет.
