Отец Синиша Ристовски од тетовско Јегуновце кој живее и работи во САД вчера на македонски јазик сослужуваше на служба во најстарата црква на светот, Рождество на Исус Христос во Витлеем, Израел во пресрет на празникот Прочка, објави вечер.пресс.Според тамошните свештеници за првпат на литургија сослужувал македонски свештеник и за првпат верниците примиле Света Причест од македонски свештеник во Витлеем.
Литургијата била отслужена на повеќе јазици, меѓу кои и на македонски. На чинот присуствуваа верници од целиот свет, а беа кажани и молитви на македонски јазик, свештениците се помолија за својот народ на свој мајчин јазик. Во литургијата сослужуваше отец Синиша Ристовски, кој го изврши и чинот на Проскомидија и Просфора, со вино и специјално подготвен леб со печат, чин во кој се спомнуваа имиња за здравје на живите и покој на душите на покојните, објави вечер.пресс.
Отецот Синишта живее во Детроит, САД и служи на Македонската православна црква „Раѓање на Пресвета Богородица“ во тој град.
Целиот текст тука.
Фотографија семејство Ристовски
