Пензионерите од Тетово по три недели мирување утре повторно ќе протестираат на градскиот плоштад со почеток во 18 часот. Последен пат пензионерите на 15 септември, протестираа на градскиот плоштад, барајќи повисоки пензии. Сега сметаат дека пензиите треба да бидат уште повеќе зголемени.
– Сега имаме измена во барањата, бараме да има линеарно зголемување кај сите пензионери за 5000 денари, покачување на минималната пензија на 20 илјади денари. Како што има пари за зголемување на платите на функционерите за 400 евра во 2024 година така треба да има повисоки пензии за пензионерите. Со најновите зголемени цени на храната, пензионерите ќе немаат да купат леб, вели Летка Мишовска, дел од пензионерите кои протестираа.
Во текот на летните месеци пензионерите се собираа во кругот на Здружението на пензионери јавното протестираа и бараа повисоки пензии. Од 7 септември почнаа и одржаа и неколку протести и на градскиот плоштад.