Со донација од Јапонија треба да се реконструира ОУ „Кирил и Методиј“ во Тетово. За тоа денеска во зградата на Општина Тетово беше потпишан договор за грант во вредност од 77.188 евра. Со овие средства ќе се отстранат старите врати и прозорци во училиштето и ќе се постават нови.
Јапонската амбасада донацијата ја обезбедува преку Програмата за мали грантови-GGP (GGP)
-Со оваа донација повеќе од 1000 деца ќе се образуваат во безбедна училишна средина, изјави амбасадорот Оцука.
Преку Програмата за мали грантови-ГГП Јапонија во Северна Македонија има финансирано, реновирање и набавка на опрема за повеќе од 74 училишта и градинки, 66 здравствен установи и обезбедила 35 специјални возила за управување со отпад и комунални услуги за 51 општина.
Општина Тетово за потпишувањето организираше настан со модератор и јавни обраќања. Модераторот, градоначалникот Биљал Касами и директорката зборуваа само на албански јазик, додека изостана обраќање на македонски јазик. Амбасадорот се обрати на англиски јазик. За новинарите беше обезбеден писмен превод.
