На првото издание на фестивалот „Стари игри” во саботата учениците од петто-еден одделение при ОУ „Лирија“ освоија први награди за игрите Џамлии и Дај војска.
Фестивалот се одржа пред платото на Музеј на Македонија со учество на 100-тина ученции од цела Македонија кои се натпреваруваа во повеќе традиционални друштвени игри: ластик, плочка, влечење јаже, народна, хулахоп, летање змеј, шах, табла, џамлии и многу други.
Учествуваа ученици од повеќе основни училишта од Делчево, Кавадарци, Охрид, Скопје и од Тетово.
Настанот беше организиран од здруженијата Полифонија и Детски Свет проследен и со музички настан на кој беа презентирани традиционални песни и нивни современи обработки на актуелни македонски композитори.
