Полицајците од Полициската станица за безбедност на патниот сообраќај и Отсекот за превенција ангажирани во рамките на превентивно-едукативниот проект „Сообраќајна култура и младите во сообраќајот“ ги споделија за јавноста резултатите од спроведените активности со што ги запознаваа учениците за сообраќајните правила и прописи. Проектот беше наменет за ученици од деветто одделение од сите основни училишта на подрачје кое го покрива СВР Тетово.
-Со овој проект ги запознаваме учениците со основните поими и правила во сообраќајот како и дефиниции, како што е коловоз, што е коловозна лента, што е сообраќајна лента, што е тротоар, што е крстосница. Воедно ги запознаваме учениците и со знаците кои ги даваат полициските службеници со положбата на телото и раце, со светлосно сигналните сообраќајни знаци како и да ги почитуваат поставените патна сигнализација. Во тој контекст би сакал да изразам благодарност за одличната соработка со одговорните за образование во општината Тетово и Гостивар како и директори на сите основни и средни училишта на подрачјето, изјави инспекторот Гаврило Гавриловски.
Учениците имале голем интерес да дознаат за сообраќајна култура и нивното учество во сообраќајот.
-Часовите беше успешно реализирани, а за тоа потврда е големата заинтересирност кај учениците. Тие имаа сознанија за дел од сообраќајот, ги знаеја некои основни правила што треба да се почитуваат во сообраќајот, научени претежно од нивните родители, изјави водич на безбедносен реон Камбер Бакии.
Инспекторот Гавриловски истакна дека учениците и децата се од најмала возраст учесници во сообраќајот и затоа е важно да има вакви обуки и во иднина.
-Многу е важно, децата се учесници во сообраќајот и сегашни и идни. Континуирано спроведуваме овој вид на проекти и во градинки, основни и средни училишта. Прилагоден спрема нивната возраст. Она што можам да заклучам има голем интерес од нивна страна. Децата добиваат одредени знаења за нивната возраст и мислам дека самите проекти се доста успешни и имаме добар прием од страна на децата и наставниот кадар. Секоја едукација е добредојдена и нашата грижа е од најмала возраст е да ги едуцираме децата да ги запознаеме со првичните правила и прописи во сообраќајот и доследно почитувања, посочи инспектор Гавриловски.
Тетовската полиција одржува и тематски предавања поврзани со сообраќајот како за пешаци, велосипедисти, возачи на електрични тротинети и слично.
ас
