Универзитетот на Југоисточна Европа (УЈИЕ) од Тетово четврта година по ред бележи раст на запишаните студенти, иако сите другите параметри како број на матуранти и население се во надолна линија. Ова го соопшти ректорот Абдулменаф Беџети на денешната традиционална средба со новинарите на која се сумира годината што изминува.
-УЈИЕ четврта година по ред бележи рекорд во запишувањето студенти, оваа година регистрираме повеќе од 1100 нови студенти. Расте бројот на сите програми посебно додипломски студии каде растот е 13,4% во однос на претходната година. Растот кумулативно 35-40 %. Прв пат имаме двојно зголемување на студенти кои студираат на македонски јазик, во сите студиски програми. Порастот е 13 %, а беше 6-7 % порано. Исто така зголемување на бројот на студенти кои студираат само на англиски е зголемен за 16 проценти, изјави ректорот проф.д-р Абдулменаф Беџети.
Според ректорот има три причини поради кои УЈИЕ бележи зголемување на бројките на студенти.
-Прво тоа се новите понуди за студирање согласно барањата на пазарот на труд и со тоа можноста за вработување. Второ, стипендии што ги алоцира УЈИЕ со оглед на субвенции што ги добива од државата како грант дотации, Трето, студенските стипендии кои привлекуваат најдобри студенти. Бележиме дека кај новите студенти, нивните родители се сите со високо образование и препознаат квалитетно образование за нивните деца. Така се одлучуваат да платат и 15 пати поскапо плаќаат од јавните унизверзитети, рече ректорот.
Годинава за почнаа да функционираат Факултет за здравствени науки како и за програма за Архитектура и дизајн. Во 2023 година ректорот најави дека ќе се акредитираат три нови студиски програми. На УЈИЕ студираат и 60 студенти од Таџикистан, Пакистан и САД со стипендии од американската држава.
ас
