На Универзитетот во Тетово на свечена свечена церемонија денеска беа доделени стипендии на студенти со висок просек. Вкупно 113 студенти се стекнале со право на стипендија, благодарение на резултатите и успесите што ги постигнале на првиот и вториот циклус на студии.
-Оваа активност, која се организира во рамките на 28-годишнината од основањето на Универзитетот, има за цел да ги поддржи и промовира одличните студенти, од прв циклус и од втор циклус на студии, кои постигнале високи резултати во текот на студирањето. Ние сме многу среќни за вашите достигнувања за време на вашите студии. Напорите за знаење никогаш не треба да се намалуваат. Почитувајте ги и заблагодарете им се на вашите родители и на сите кои ве поддржуваа во текот на студирањето, порача ректорот Куштрим Ахмети.
Тој информираше дека врз основа на критериумите утврдени со Одлуката на Сенатот на Универзитетот во Тетово, вкупно 96 студенти од прв циклус и 17 студенти од втор циклус на студии успешно ги исполниле условите за добивање стипендија.
-Универзитетот во Тетово е единствениот универзитет во земјава кој доделува стипендии на студенти од втор циклус, иако овие студии по својата природа целосно се финансираат од студентите. Со оваа активност правиме чекор напред во градењето на нашата заедничка иднина, рече ректорот.
На свеченоста на која беа доделени 113 стипендии присуствуваа и семејствата на студентите.
ас
