Универзитетот во Тетово денес организираше „Отворен ден“ со цел да се промовираат можностите за студирање на оваа високообразовна институција за академската 2023/24 година, а воедно имаше и Саем за кариера. Во универзитетските простории беа поставени штандови на сите 13 факултети, а со цел матурантите да се запознаат со потребните информации за студирање.
-Студентите и вработените ги презентираа понудите за новата академска година, начинот на настава, како се одвива процесот на настава, лабараториите, распоред на предавални, предавања со цел матурантите што подобро да се насочат за нивниот понатамошен професионален развој, и создавање кариера. Им благодариме на училиштата за извршената презентација кај нив, исто така и за денешниов ден. Универзитетот во Тетово во учебната 2023/24 нуди 92 студиски програми во првиот циклус. Има задоволителен број на матуранти кои покажале интерес за одблиску да се запознаат со академските понуди и студиски програми, истакна Ибрахим Незири.
Според него вообичено 2000 студенти се запишуваат во прва година, а заедно со втор циклус се 2500.
-Минатата година имавме 30%, зголемување на бројот на студенти. Сигурно и оваа година не знаеме колкав ќе биде број но се надеваме дека бројката ќе биде како минатата година. Има многу фактори што влијаат некаде околу 5% од матурантите го избитраат УТ, но година од година се разликува, генерација од генерација се разликува, се надеваме дека идната година ќе имаме бројка на студенти која ја очекуваме, истакна Незири.
На Саем на кариера, се претставија 35 компании со ко универзитетот има партнерство кои нудат поддршка за стипендирање или обука.
ас
