Сенатот на Универзитетот во Тетово денеска одржа седница за избор на нов претседател на Сенатот и за вршител на должноста ректор, информираат од оваа висообразовна установа.
-Согласно Законот за високо образование, Статутот на Универзитетот, правните акти, подзаконските акти и другите интерни акти на Универзитетот, проф. Др. Вулнет Амети е избран за претседател на Сенатот на Универзитетот во Тетово. Исто така на истата седница беше извршен и изборот на проф. Др. Куштрим Ахмети како в.д ректор на Универзитетот во Тетово. На седницата на Сенатот се разговараше и за други прашања поврзани со општиот напредок на наставно-научната дејност на Универзитетот во оваа академска година, информираат од канцеларијата за односи со јавноста при Универзитетот.
Куштрим Ахмети е професор по филозофија. Дипломирал во 2007 година на Универзитетот во Тетово, каде ги завршил и постдипломските студии во 2010. Докторирал 2016 година на Универзитетот во Тирана.
