Новогодишен концерт ќе одржи КУД „Кирил Пејчиновиќ“ – Теарце. Концертот ќе се реализира на 23 декември (петок) 2022 година, со почеток во 18:00 часот во Центар за култура „Иљо Антевски – Смок“. Гости на концертот се Трио „Кладенец“, Трио „Шербет“ и хор „Менада“
-Новогодишниот концерт ќе биде круна на 2022 година, за сите успеси и постигнувања кои ги остваривме дома, но и на меѓународни фолклорни фестивали каде што освоивме бројни награди и признанија. Ве покануваме да уживате во изведбите на младите уметници кои со љубов ги негуваат фолклорот и традицијата, информираат од Друштвото.
Новогодишниот концерт ќе биде најава и за 10 годишниот јубилеј што КУД „Кирил Пејчиновиќ“ – Теарце ќе го одбележи во 2023.
-Наредната година бележиме една декада од возобновувањето на културно уметничкото друштво. Ќе има посебна свеченост и манифестација која ќе биде организирана во мај 2023 година. Моментално во КУД „Кирил Пејчиновиќ“ – Теарце членуваат над 80-тина млади љубители на фолклорот кои со љубов ја негуваат македонската фолклорна традиција, велат од КУД „Кирил Пејчиновиќ“-Теарце.
Билетите за 23 декември кога ќе се одржи Новогодишен концерт концертот се по цена од 100 денари и може да се набават во маркетот „Корзо“ во Тетово.
ас
