Иницијативата на граѓани и верници од Тетовско за народно одбележување на Православна нова година и празникот посветен на Свети Василиј-Василица која во 2022 година за прв пат се одржа најавува дека и утре ќе се организира истата свеченост. Дел од верниците кои минатата година најдоа паричка во своите парчиња, утре ќе донесат пити во црквите.
-Утре по втор пат со благослов на митрополитот г. Јосиф ќе се обидеме да востановиме традиција на Василица на пладне да бијат камбаните, а верниците да добијат пита со паричка. Така ќе биде во голем број цркви, од Једоарце, Сетоле и Отуње, па во Сараќино, Фалише како и во тетовските Богородица, Свети Никола и Свети Кирил и Методиј. Во Тетово поради организација пита со паричка ќе се подели порано по завршувањето на утринската Богослужба. Традицијата се создава преку народот, нешто што душевно ги храни, како што е Православна Нова година, најави Снежана Стојановска, дел од иницијативната.
Повеќе децениски одбележување на Василица во Тетовско има во неколку села како Копанце, Милетино,Вратница. Група на маскирани учесници од утринските часови ги посетуваат домаќинствата, со исполнување на празнични песни и ора со цел да се истераат лошите духови од домовите на семејствата. Од домаќините добиваат дарови како топла ракија, грав, овошје и зеленчук.
ас
