На третиот ден од потрагата по возачот и евентуални сопатници од автомобилот голф што излета во реката Вардар кај тетовско Желино денеска се вклучени и кучиња трагачи. Освен тоа ќе се прави обид со допирање на протокот на вода во реката Вардар да се намали водостојот и олесни потрагата.
Претставниците на надлежните институции проценуваат дека треба да се бара во реката Вардар но и надвор од тетовското подрајче, во правец кон Скопје и Велес согласно текот на речната вода.
-Ние побаравме да се намали водата од Водостопанство. Но тоа не е наша надлежност. Тие рекоа дека во меѓувреме рекоа дека ќе го намалат водостојот. Имаме четири екипи во терен. Првата екипа ние е во левата, втората на десната страна на Вардар, третата накај мостото Сиричино и четврата ќе ја ангажирам денеска после 13 часот во Зелениково пошто претпоставувме дека таму може да го влече водата до таму поради брзината. Имаме 16 нуркачи и 16 вработени од Дирекција за заштита и спасување на терен, изјави Ариф Арифи раководител на тетовската секција на Дирекција за заштита и спасување.
Ангажирани се луѓе кои вработени во специјалната антитерористичка единица „Тигри“, другите секции на ДЗС, пожарникари, Општуна Желино. Екипа од ДЗС Тетово побарала во текот на денот да ангажира и екипа од ДЗС Велес кои во текот на денот треба да извраш пребарување во малото езеро во Зелениково.
-Тука сме од седум сабајлево го провериме целиот терен каде што ја најдовме колата па идеме надоле. Како што гледате и вие дека Вардар носи многу вода и е тешко за побарување. Почнуваме пак се враќаме назад, затоа што стварно имаме многу вода и треба да се провери цел терен така полека полека. Се знае дека водата е многу јака и може телото е заглавено негде во длабина. И треба многу време дур го најдеме телото, изјави Авни Амети, командант на тетовската пожарна.
Во вторникот тетовската полиција доби пријава дека излетал „Голф“ во реката Вардар од кај мостот кај Желино. Засега се трага по 22 годишниот кумановец Е.Р, чие семејство го поседува автомобилот. Се уште се утврдува и дали имало и други сопатници во возилото.
ас
