Координаторот на советничката група на ВМРО ДПМНЕ од Тетово Ангел Карапетров поднесе барање до претседателот на Советот за вонредна седница поради актуелниот проблем со бездомните кучиња.
-Следејќи ја состојбата со кучињата скитници во Тетово, советничката група на ВМРО-ДПМНЕ констатира дека ситуацијата е загрижувачка и веќе излегува од контрола.
Сведоци сме на огромниот број на глутници на кучиња скитници кои се движат насекаде низ Тетово. Граѓаните скоро секојденевно известуваат дека биле нападнати од кучиња скитници. Бројот на овие бездомни животни веќе не може да се контролира. Евидентирани се повреди од гризнувања на кучиња скитници. Затоа, како советничка група бараме вонредна седница на Советот на Општина Тетово со единствена точка на дневен ред: Изнаоѓање на решение на проблемот со кучиња скитници.
Овој проблем не засега сите нас подеднакво и се надеваме дека сите ќе се вложиме во решавање на овој проблем, се вели во барањето на координатор на советничка група на ВМРО-ДПМНЕ Тетово.
Ангел Карапетров.
