Во очи на престојните избори за нов Совет на Општина Тетово, ОК на ВМРО Народна партија Тетово испрати соопштение во кое ги повика граѓаните масовно да излезат на гласање.
-Само со масовна поддршка на една од кандидатските листи, во идниот општински совет ќе бидат избрани советници Македонци, кои ќе ги штитат интересите на Македонскиот народ во Тетово, соопштија од ВМРО Народна партија. Ова соопштение нека биде и потстрек на идните советници, да излобираат примена на член 52 став 5, од Законот за локална самоуправа, односно слично по примерот во град Скопје и во Тетово да се избере заменик градоначалник од редовите на советниците Македонци. Исто така во преговорите со албанскиот партнер, идните советници мораат да се изборат за функцијата Претседавач на советот, како една од двете политички функции во општината, соопштија денеска од ВМРО Народна партија.
