Вчера (30 мај) од 11 до 17 часот на подрачјето на СВР Тетово спроведена е акциска контрола на мотоциклисти, чиј број деновиве осетно е зголемен во поширокиот Полошки регион и посебно на тетовските и гостиварските улици.
При контролата бил откриен и санкциониран 21 прекршок (ТЕ-15 и ГВ-6). Најголемиот број од прекршоците (14) се однесувале на некористење на заштитна кацига, односно шлем (ТЕ-10 и ГВ-4), 5 мотоциклисти управувале без возачка дозвола (ТЕ-4 и ГВ-1), 1(ТЕ) управувал нерегистриран мотоцикл, а 1(ГВ) имал истечена полиса.
На сите им се изготвени поднесоци и зависно од видот и карактерот на констатираниот прекршок ќе се соочат со предвидените парични глоби кои се движат од 45 до 500 евра во денарска противвредност.
Вчера, исто така, во Тетово спроведени се и интензивни активности за поголем ред и безбедност со паркирањето, при што вкупно биле изречени 35 мерки, а 25 погрешно, односно непрописно паркирани возила биле подигнати од тетовската „пајак-служба“. Претежно станува збор за прекршоци во централното градско подрачје и за возила оставени во таканаречени „двојни редови“. Прекршоците биле заокружени со адекватни поднесоци, по што сопствениците на возилата ги очекуваат парични глоби од 45 до 180 евра во денарска противвредност, зависно од тоа каде и како ги паркирале
