Сообраќајната полиција на поширокото тетовско подрачје во текот на август имала 25 локални, засилени акциски контроли и редовни активности при што се откриени и законски санкционирани 1653 различни видови прекршоци. Од тие поради констатирани прекршоци, односно недостатоци, од сообраќај биле исклучени 56 возила, од кои 28 поради истечена регистрација до и над 30 дена и исто толку поради утврдена техничка неисправност.
– Во август, исто така, од сообраќај биле исклучени и 140 возачи, од кои 83 управувале без возачка дозвола, 28 под дејство на алкохол, 20 возачи-почетници кој не се придржувале на законските ограничувања за оваа категорија возачи, 4 со важечка забрана за управување и 5 со несоодветна категорија. Во август евидентирани се 10 излетувања на возила од коловоз и 6 сообраќајни несреќи предизвикани од животни, најмногу од кучиња скитници, информира Марјан Јосифоски, портпарол на СВР Тетово.
Покрај тоа, во месецот за кој станува збор, времено биле одземени 7 возила со истечена регистрација повеќе од шест месеци и бучавост, 42 возачки и 32 сообраќајни дозволи, додека тетовската „пајак-служба“ вкупно подигнала 306 погрешно, односно непрописно паркирани возила, најмногу во централното подрачје на Тетово.
ас
