Црковното настојателство при храмот Свети Атанасиј од Брвеница информира дека по повод големиот христијански празник Бадник на 6 јануари петок со почеток во 10 часот ќе се изврши Бадникова литија на потегот од влез за Брвеница од страна на Тетово па се до црквата Свети Атанасиј.
Литијата ќе ја сочинуваат учениците по веронаука при црквата Свети Атанасиј. Напоменуваме дека децата нема да влегуваат во домовите, туку домаќините да ги пречекаат пред домашните порти, порачаа од црковното настојателство при храмот Свети Атанасиј.
Потоа ќе се отслужи вечерна Богослужба со почеток во 16 часот. По богослужбата во 17 часот ќе се осветат бадниковите гранчиња и прережат кумските колачи.
-По тој повод братолубиво ве покануваме заедно да принесеме молитва пред Бога во предвечерието на Рождеството Христово, затоа што заедничката молитва е посилна и помила му е на Бога. Нека богомладенецот Христос се роди во вашите благочестливи христијански домови, порачуваат од црковното настојателство при храмот Свети Атанасиј.
