Полициски службеници на СВР Тетово вчера (12 февруари) од 15 до 20 часот спровеле акциска контрола за брзина со која се движат возилата на поширокото тетовско-гостиварско подрачје. При контролата откриени и санкционирани се 35 возачи (ТЕ-15 и ГВ-20) кои ја пречекориле максимално дозволената брзина надвор од населено место, од кои 5 (ТЕ-2 и ГВ-3) за повеќе од 70 километри на час, 9 (ТЕ-3 и ГВ-6) до 70 километри на час и така натаму.
Покрај ова, санкционирани се и 44 пречекорувања на брзината (ТЕ) во населено место, како и 4 други видови сообраќајни прекршоци (ТЕ-3 и ГВ-1).На сите прекршители изготвени им се поднесоци и ќе се соочат со законски предвидените парични глоби и други мерки, особено оние кои пречекориле за повеќе од 30, односно 50 километри на час, во или надвор од населено место.
Секторот за внатрешни работи Тетово продолжува со вакви и слични контроли и апелира до возачите да ја прилагодат брзината според условите на патот и посебно на автопатот Гостивар-Тетово-Скопје и магистралниот пат Гостивар-Кичево, но и воопшто. Се апелира, исто така, целосно да се придржуваат на постојните сообраќајни знаци и сигнализација за ограничување на брзината на поедини места, со што најнепосредно ќе придонесат за вкупната безбедност на патиштата во Полошкиот регион.
