Два дена по ред во тетоската полиција граѓани пријавуваат напади и повреди од кучиња скитници. Вчера во 21 часот Н.С.(50) од Тетово во СВР Тетово пријавил дека на улица „Благоја Тоска“ во Тетово неговиот малолетен син бил каснат од куче скитник.
-Четириесет и едногодишната тетовка М.С на 9 јануари во 13 часот во СВР Тетово пријавила дека на улица „Иво Лола Рибар“ во Тетово нејзиниот малолетен син бил каснат од куче скитник, информираа од СВР Тетово.
Градоначалниците од Полошкиот регион во декември на последната седница за 2022 година на Советот за развој на регионот повторно ја најавија регионалната соработка со цел справување со кучиња скитници.
Во април 2022 година Советот информираше дека не е возможно да има регионален стационар за бездомни кучиња во Брвеница, па во текот на годината неколку пати беше посочена Општина Врапчиште, но без конкретно решение.
