Општинската организација на Сојузот на борци од Тетово во соработка со Музеј на тетовскиот крај в недела 19 март ќе организира свеченост со цел одбележување на јубилејот 80 години од формирањето на Централниот комитет на Комунистичката партија.
Основањето се случило на 19 март 1943 во една куќа во Тетово која денеска е Меморијалниот музеј на Центалниот Комитет на КПМ (Куќа на Јовановци) во населбата Два бреста каде и ќе се прослави јубилејот во недела со почеток во 11 часот.
-На оваа прва седница на 19.3.1943 донесени се повеќе значајни одлуки за понатамошниот тек на народноослободителната и антифашистичка војна. Се формираат пет обласни комитети во петте оперативни зони, формирање на поголеми воено – оперативни единици (баталјони и бригади), да се зголеми политичката активност, да се формира штаб на Првата оперативна зона и друго. Централниот комитет го сочинувале Лазар Колишевски – секретар,Мара Нацева- организационен секретар, Кузман Јосифовски – Питу – член,Цветко Узуновски – Абас- член и Бане Андреев – Ронката – член, информираа од Сојузот на борци Тетово.
