Во Тетово Денот на народното востание 11 Октомври се одбележа со полагање букети цвеќе пред Споменикот на Победата (револуцијата), во организација на општинската организација на Сојузот на борци и тетовскиот гарзнизон при касарната „Кузман Јосифоски-Питу“.
Чествувањето започна со интонирање на македонската химна и едно минутно молчење во чест и слава на сите загинати борци во Народно-ослободителна борба и припадници на АРМ.
Во пригодниот реферат пред присуните Јоцко Димитриевски од општинската организација на Сојузот на борци Тетово порача дека 11 октомври како светол датум се прославуваме со гордост и почит поради неговото значење и придонес денес да се се живее во слобода за која македонскиот народ долго време мечтаел .
-Да се потсетиме дека патот на младата македонска држава е темелен врз принципите на АСНОМ и дека Македонија мора да остане на патот започнат со светите идеали на двата Илиндена. Денес Македонија се наоѓа пред нови предизвици. Во овие турбулентни времиња кога се почесто се негира нашата историја од земја членка на Европската унија кога се отвораат клубови во нашата земја на познати соработници на фашизмот од типот на Ванчо Михајлов и Цар Борис трети, Сојузот на борци јавно порачува дека во духот на слободарските и добрососедски односи да не го поткопуваат и попречуват соживотот и патот на кон европските вредности, истакна во говорот Јоцко Димитриевски.
На одбележувањето цвеќе пред Споменикот на Победата положија делегации на општина Тетово, општинската организација на Сојузот на борци Тетово, од касарната „Кузман Јосифовски Питу“, општинска организација на СДСМ Тетово, општински комитет на ВМРО ДПМНЕ Тетово, тетовскиот огранок на Левица, претставници на партијата Интерга, Резервните воени старешини, како и Здружение на пензионери на Тетово.
ас