МВР на 9 и 10 февруари уапси 26 луѓе како осомничен дека биле дел од шверц со дрога и оружје, а при тоа во Тетово се приведени шест лица.
-Од страна на Одделот за криминалистичка полиција, Сектор за недозволена трговија со дрога оружје и опасни материи биле извршени претреси кај 53 лица за кои постоеле сознанија дека се инволвирани, во 46 куќи и помошни простории, седум станови, пет патнички моторни возила и два деловни објекта во 29 општини и во Скопје, информираат од МВР.
Покрај ова, за време на активностите се пронајдени и одземени се: марихуана, хероин, 78 семки од растение, 19 пакувања со прашкаста материја, 18 паковки со грутчеста материја, 150 грама амфетамин, таблетки, шприцеви со течна материја, повеќе дробилки, ваги и млин, четири ловни пушки, три ловни карабини и една воздушна пушка, еден пиштол, гасен пиштол и шест куршуми, 12 патрони, 46 куршуми и 92 куршуми маневарска муниција, седум рамки за автоматска пушка и поголем износ на пари во различни валути и апоени, од кои само при претрес во Кавадарци се пронајдени 178 илјади денари кои потекнуваат од продажба на дрога.
Против 19 лица ќе бидат поднесени кривични пријави по член 215, против 6 лица по член 396 од Кривичниот законик, како и два поднесоци по Закон за оружје.
