Во тетовскиот регион денеска повеќе тимови од Министерството за здравство во соработка со УСАИД, УНИЦЕФ и СЗО реализираа активности во рамки на информативниот караван за вакцинација „Заштитете се заедно – вакцините делуваат“.
На градскиот плоштад во Тетово тимовите за вакцинација на заинтересираните граѓани им аплицираа од дополнителните дози на анти-Ковид-19 вакцините,а ги информираа и закажуваа термнини за вакцинација против сезонски грип, како и да добиајт подетални информации за важноста на имунизацијата.
-Слоободно може да кажеме дека свеста кај нас е на многу ниско ниво. Треба да биде што поголема свеста за вакцинирање. Докажно е во светско ниво дека вакцините штитат не само за ова не само за ова што праеме кампања туку за сите врсти на вакцини. Моменталмо е за Ковид вакцина е многу слаб интересот, само се вакцинираат тие што им треба за надвор од државата. Од друга страна имаме податок дека над 65 проценти од населението во Полошкиот регион се вакцинирани против Ковид-19, изјави д-р Беким Мустафаи.
На располагање на граѓаните се анти-Ковид 19 вакцини од производителите Фајзер и Модерна.
-Моментално тие што примиле трета доза да примат четврта доза, што не е задолжителна, само ако граѓанинот одлучил дека треба да се вакцинира. Исто така сите тие што сакаат да примат вакцина за сезонски грип сега имаат можност на овој караван да се пријават за да добијат термин за вакцинирање со сезонски грип, изјави д-р Мустафаи.
Попладнево тимовите за вакцинација продолжија во Теарце во дворот ООУ „Кирил Пејчиновиќ“ во периодот од 15:00 до 17:00 часот.
ас
