Здружението на ликовни уметници на град Тетово по повод Меѓународниот ден на жената 8 Март организира колективна изложба насловена „Современи музи“ на своите членови во Центарот за култура „Иљо Антески Смок“.
Изложбата, во фоајето на Центарот, ќе се отвори во пресрет на меѓународниот ден во вторник 7 март од 18 часот и 30 минути.
-Ќе бидат претставени 24 уметнички дела создадени од 24 членови на здружението од областа на сликарството, графика и дигиталната фотографија, информираа од Здружението на ликовни уметници.
