Вчеравечер и ноќеска (10 и 11 март) од 23 до 5 часот на подрачјето на СВР Тетово спроведена е акциска контрола на возачите кои управуваат под дејство на алкохол, во која вкупно се откриени и санкционирани 11 возачи (ТЕ-6 и ГВ-5).
Кај 1 од возачите (ГВ) измерени се до 2 промили алкохол во крвта.Сите возачи-прекршители веднаш се исклучени од сообраќај и времено им се одземени возачките дозволи.Во контролата со соодветни поднесоци биле заокружени и 11 други видови сообраќајни прекршоци (ТЕ-7 и ГВ-4).
Секторот за внатрешни работи Тетово со уште еден апел до возачите да се воздржат од консумирање на алкохол доколку управуваат возила, зашто под дејство на алкохол претставуваат потенцијална опасност во сообраќајот и ја загрозуваат сопствената и безбедноста на другите учесници во сообраќајот.
И не само тоа, туку ќе се соочат и со законски предвидените санкции, односно со парични глоби кои за овој вид на прекршок се движат од 225 до 375 евра во денарска противвредност и со времено одземање на нивните возачки дозволи од три месеци до една година.
