Во тетовската полициска станица тројца граѓани во текот на вчерашниот ден пријавиле дека биле нападнати, каснати и повредено од бездомни кучиња. Пријавите се од две жени на 43 години и маж на 46 години, а нападите се случиле на три различни улици.
-Педесет и тригодишната М.З. од тетовски Бродец пријавила дека на улица „Иво Лола Рибар“ била касната од куче скитник. В.А.(53) од Тетово во СВР Тетово пријавила дека на улица „Тодор Циповски-Мерџан“ во Тетово била касната од куче скитник. Четириесет и шестгодишниот С.Џ. од Тетово, пријавил дека на улица „Иво Лола Рибар“ во Тетово бил каснат од куче скитник, информира Марјан Јосифоски, портпарол на СВР Тетово.
Неодамна, Општина Тетово поради честите напади од кучиња донесе правилник според кој повредените граѓаните ќе добијат можност за надоместок за штета од каснување од бездомни кучиња. Секој граѓанин кој ќе биде повреден од бездомно куче ќе добие предлог за спогодба и можност за надоместок од 30 до 100 илјади денари во зависност од тоа колку ќе определи соодветна пет члена комисија за постапување по барањата.
ас
