Тетовската полиција приведе 33 годишник од селото Голема Речица и 60 годишник од селото Пирок поради изнуда на 18.630 евра од жител на Тетово. Приведувањето е направено вчера во Мала Речица од страна на полициски службеници од Отсекот за криминалистичка полиција – Одделение за економски криминал при СВР Тетово.
Според информацијата на СВР Тетово помладиот приведен ги барал парите со изнуда, а постариот бил такси возач кој ги пренесувал парите.
-Во 19.50 часот во тетовска Мала Речица лишени од слобода се З.Д.(33) од с.Голема Речица, тетовско и Ј.А.(60) од с.Пирок, тетовско. По преземени мерки било утврдено дека од средината на јануари 2023, З.Д. во неколку наврати изнудил вкупно 18.630 евра од лице од Тетово, уценувајќи го дека ќе објави фотографии со компромитирачка содржина. Според пријавеното, З.Д. во неколку наврати го организирал примопредавањето на парите преку Ј.А., такси возач во Тетово. Имено, тој му се јавувал на оштетениот и му кажувал да ги предаде парите на Ј.А., кој подоцна му ги доставувал нему. Истото било направено и во текот на вчерашниот ден, при што биле затекнати од полициски службеници при примопредавање на парите, информира
Триесет и три годишникот бил задржан во полициска станица и по целосно документирање на случајот, против нив ќе биде поднесена соодветна пријава.
ас
