Полициски службеници на СВР Тетово, вчера (13 март) од 7 до 12 часот спровеле сообраќајна акциска контрола за престигнување, во рамките на која биле откриени и санкционирани вкупно 25 прекршоци (ТЕ-14 и ГВ-11).
Дваесет и три од возачите-прекршители престигнувале на забранети места (ТЕ-14 и ГВ-9) и поради што им се изготвени соодветни поднесоци, а санкционирани биле и 10 (ТЕ) други видови сообраќајни прекршоци.
-Секторот за внатрешни работи Тетово со укажување на возачите да не престигнуваат на непрегледни и забранети места, во колона и на други недозволени начини, зашто во спротивно ќе се соочат со законски предвидените санкции и парични глоби, а кои за овој вид прекршок се движат од 45 до 250 евра и со мерка – времено одземање на возачките дозволи од три месеци до една година. До возачите се апелира, исто така, да не ги паркираат возилата каде ќе стигнат, посебно во централното градско подрачје, каде е и најголема фрекфренцијата и каде неретко го попречуваат нормалното и безбедно одвивање на сообраќајот, информира Марјан Јосифоски, портпарол на СВР Тетово.
Вчера, исто така, во Тетово продолжиле и континуираните активности за справување со непрописното, односно погрешно паркирање, при што биле санккционирани и подигнати 15 непрописно паркирани возила.
