Тетовската полиција информира дека денес се приведени пет лица во врска со две пријави за физички напади, при што во едниот 16 годишник е повреден до нож. Петмината приведени се на возраст од 19 до 24 години.
-Секторот за внатрешни работи Тетово ги расчисти нападите кои се случиле на улиците „133″ и „Благоја Тоска” во Тетово, а во кои еден 16-годишник од Тетово беше повреден со остар предмет. Денеска од 7 часот и 30 минути до 11 часот и 45 минути од полициски службеници од СВР Тетово лишени од слобода се пет лица: Д.Л.(23), Б.Д.(18), В.Л.(19), Л.Ш.(24) и А.Ш.(24), сите од Тетово, поради сомнение дека непосредно биле инволвирани во двата физички напади пријавени завчеравечер на 09.10.2022, информира Марјан Јосифоски, портпарол на СВР Тетово.
Петте лица се задржани во Полициската станица Тетово и по документирање на случајот ќе им бидат изготвени соодветни поднесоци.
ас
