Во Тетово по три недели градежни работи заврши реконструкција на поголем дел од улицата „Кузман Јосифоски-Питу“ од Саат маало до мостот во Горна чаршија, како и еден дел од улицата „Тодор Циповски-Мерџан“ од плоштадот до Саат маало.
Градоначалникот Биљал Касами со соработниците денес направи увид на улицата и посочи дека се прави напор за подобрување на патната инфраструктура на целата територија на општина Тетово.
-Промовираме уште една капитална инвестиција на Општина Тетово со асфалтирање на овој сегмент на центарот во Тетово со околу илјада метри иили 5000 метри квадаратни, им даваме на граѓаните уште еден пат кој ќе може да го користат. Ова е најдобар начин да ги пречекаме нашите луѓе кои доаѓаат од надвор за да и тие видат дека во Тетово веќе се работи, се инвестира и полека градот го менува ликот. Станува еден европски град како што сите го сакаме. Со инвестирање во асфалтирање на патот цениме дека ќе биде пофункционален и во служба на сите граѓани. После нова година ќе продолжиме да инвестираме со истото темпо да вложуваме во подобрување на патната инфраструктура, се со цел Тетово да биде град со подобри услови за живеење, град без улици со дупки, град со инфраструктура, изјави Биљал Касами.
Со оглед на зголемиот број на возила низ улиците за време на Новогодишните празници поради доаѓање на иселениците, Касами рече дека јавното претријатие за паркинзи ќе направи напор да ги менаџира состојбите да се избегне метежот .
