СВР Тетово информира дека се приведени повеќе лица по разни основи.
На 07.06.2023 во 21.05 часот, полициски службеници од СВР Тетово го лишиле од слобода Ј.Ф.(46) од тетовско Желино. Околу 19.30 часот на бул.„Маршал Тито“ во Тетово, тој со своето возило „фиат пунто“ неколку пати удрил во возило „опел астра“ со тетовски регистарски ознаки, кое го управувал С.Р. (30) од Тетово, при што со повреди се здобила М.Р., констатирани во Клиничката болница Тетово. Тој бил задржан во полициска станица и по документирање на случајот против него ќе биде изготвен соодветен поднесок.
На 07.06.2023 во 14.10 часот на улица „176“ во Тетово, полициски службеници од СВР Тетово го привеле А.Ј.(20) од Тетово затоа што кај него бил пронајден и одземен нож. По документирање на случајот против него ќе биде изготвен соодветен поднесок по член 80 од Закон за оружје.
На 07.06.2023 на Граничен премин Јажинце, полициски службеници ја привеле М.Б.(20) од Република Албанија поради нерегулиран престој во Република Северна Македонија. Таа била задржана во СВР Тетово за понатамошна постапка.
