На 18.09.2020 околу 15.30 часот пред Клиничка болница Тетово, на ул.„29 Ноември“, од полициски службеници од СВР Тетово биле лишени од слобода Н.Х.(48) од Тетово и М.А.(32) од с.Челопек, тетовско.
Тие се приведени бидејќи Н.Х. со дрвен предмет го нападнал М.А., а при интервенцијата, полициските службеници биле попречувани во вршењето на службените дејства од М.А., кој притоа се здобил со повреда. Се преземаат мерки за расчистување на случајот, соопшти денес МВР.