Во Тетово и Гостивар може бесплатно да се паркира во дворовите на училиштата поради зголемување на бројот на возила со доаѓањето на привремено вработените во странство. Полицијата и општините образложуваат дека одлуката заеднички е донесена со цел да се овозможи и нормален и проточен сообраќај.
Со доаѓањето на привремено вработените во странсво, кои традиционално дел од летниот одмор го поминуваат во нивните родни краишта, се зголемува и фреквенцијата во сообраќајот во поширокото Полошко подрачје, а со тоа се зголеми и потребата од повеќе места за паркирање во Тетово и Гостивар. За да на се создава метеж Секторот за внатрешни работи Тетово, во соработка со општините Тетово и Гостивар, како привремени паркинг простори ги пушти во употреба дворовите на училиштата на местата каде што има зголемена фрекфенција во сообраќајот, соопштуваа од СВР Тетово.
Во градското подрачје на Тетово граѓаните нивните возила можат да ги паркират во дворовите на средното училиште ,,Кирил Пејчиновиќ“, -Гимназија, кај старото медицинско училиште, како и кај основното училиште ,,Истикбал“. Во Гостивар, за оваа намена, привремено се ослободени за паркирање дворовите на сите основни и средни училишта, кои се наоѓаат во градот.
Апелирааме возачите да ги користат овие привремени паркинг простори, кои се бесплатни и нивните возила да не ги паркираат каде што ќе стигнат. Да ги почитуваат законските правила и прописи во сообраќајот, за да се овозможи нормален и проточен сообраќај,соопштуваат од СВР Тетово.
Казните за погрешно и непрописно паркирање се движат од 20 до 180 евра во денарска противвредност.
