УХМР: Ќе дува засилен до силен јужен ветер, особено во западните планински подрачја (над 80 km/h)

Променливо облачно во западните делови со повремен дожд. Кон крајот на денот врнежите ќе се прошират во поголем дел од земјата, а пообилни ќе бидат во западните и северозападните делови (над 20л/м2), особено во текот на ноќта. На планините во текот на ноќта врнежите ќе преминат во снег. Ќе дува засилен до силен јужен ветер, особено во западните планински подрачја (над 80 km/h). Максималната температура ќе биде во интервал од 10 до 18 степени.