Соопштение на СВР Тетово 13.11.2024 година
На 12.11.2024 во 21.26 часот во СВР Тетово било пријавено дека на регионалниот пат с.Волковија-Тетово, патничко возило „бмв“ со тетовски регистарски ознаки, управувано од Б.А.(28) од с.Челопек, тетовско излетало надвор од коловозот. Во несреќата со тешки телесни повреди се здобил возачот, констатирани во Клиничката болница Тетово. Извршен бил увид од увидна екипа од СВР Тетово.
На 12.11.2024 во 20.00 часот во ПО Групчин, 61-годишен жител на тетовско село пријавил дека бил измамен од И.М. од тетовско, кој пред околу три месеци бил повикан да дојде во куќата на неговиот брат и да зема мерки за инвентар и откако се договориле околу цената и му биле платени 700 евра, до денес ниту го донесол порачаното ниту пак ги вратил парите. Се преземаат мерки за расчистување на случајот.
На 13.11.2024 во 05.20 часот во СВР Тетово е пријавено дека на улица ,,29-ти Ноември“ во Тетово настанал пожар во импровизирана барака во која живееле Б.И.(35) и неговиот брат Б.А.(42). Нема повредени лица, а пожарот бил изгаснат од Тетовската територијална противпожарна единица
