Агенцијата за млади и спорт на Општина Тетово и го предаде на користење базенот, дел од владината програма за изградба на 14 вакви објекти низ државата. Тетовскиот базен е првиот кој во државата е комплетно завршен и предаден на локалната самоуправа. Базенот е изграден до спортската сала на просторот од поранешниот спортски центар.
-Со општината соработувавме и за поставување на фотоволтаични панели на покрив за создавање на електрична енергија и со тоа ќе се намали набавка на струја. Затоа забави овој проект,заради изготвување на тие документи и дозволи, Агенцијата и општината заедно требаше да ги набават, изјави Наумче Мојсовски, директорот на Агенцијата за млади и спорт.
-Ова е добар пример на соработка на локална со централна власт, може да реализираме проекти во интерес на граѓаните. Во овој случај да учат ученици пливање, изјави градоначалникот на Тетово, Биљал Касами.
Агенцијата имаше проблем со фирмата изведувач во неколку други градови, а според Мојсовски сега проблемите се надмине и ќе продолжат да се доградуваат.
-Почнаа мината недела да градат, покриени се базените, следува да се постави електрика. Кичево и Битола се малку назад, другите три Штип и двата во Скопје се во напредна фаза. Следна недела планираме да ги објавиме и следните четири кои се во Чаир, Карпош, Струмица и Кавадарци, изјави Мојсовски.
Според градоначалникот Касами засега базенот ќе го раковиди Секторот за јавни дејности, а понатаму ќе се размисли дали тоа да го прави општинско јавно претријатие за менаџирање со спортски објекти.