Можнa коалиција и преговори се водат меѓу Алијанса за Албанците со Движењето Беса и Алтернатива, истакна портпарлот на Алијанса за Албанците, Флакрон Беџети по денешната партиска прес конфренција. Одговорајќи на новинарско прашање вели дека и самите се уверени во победа, но сакаат поуверлив исход на изборите.
-Ние како Алијанса за Албанците сме заинтересирани за пред изборната коалциија со политичката партија Беса и Алтернатива. Ние сме спремни со нашите капацитети како Алијанса за Албанците меѓутоа сакаме победата да биде уште посилна така што сме отворени и подготвени да имаме соработка со Алтернатива и со Беса. Разговараме со двете партии има желба и се надеваме дека заеднички ќе успееме за една предизборна колиација која дефинитивно ќе ја победи ДУИ и ќе го има легитимитетот на гласачите Албанци, рече Беџети.
Со македонскиот политички блок предизборно нема разговори.
-Сега за сега нема такви преговори. Ќе зависи тоа после избори за тоа ќе одлучат граѓаните кој со кого ќе коалицира. Усогласувањето на политичките програми тоа ќе се види после 12 април и ќе се види со кого ќе се коалицира, истакна партискиот портпарол.
