Вршителот на должност помошник државен секретар на САД за Европа и Евро-Азија, Филип Рикер, во рамки на работната посета на Македонија, денес ќе дојде и во Тетово. Во седиштето на партијата ДУИ во Мала Речица се среќава со раководството од 11 часот. Подоцна, на пладне во 12 часот Рикер ќе биде гостин и во зградата на општина Тетово каде ќе се сретне со градоначалничката Теута Арифи.
Во Скопје Рикер има средби со претседателот на државата Стево Пендаровски, со претседателот на Собранието Талат Џафери, со премиерот Зоран Заев, со министерот за надворешни работи Никола Димитров и други владини претставници. Ќе има средби и со пратениците од Независната пратеничка група од ВМРО-ДПМНЕ и Коалицијата „За подобра Македонија“.
Филип Рикер во Македонија беше амбасадор од 1997 до 1999 година.
