Машко безживотно тело е пријавено дека е најдено на Шар Планина претпладнево по што полицајци од Тетово околу 13 часот и 30 минути со хеликоптер заминале до местото да се направи увид на местото. Според пријавата станува збор за тешко пристепен терен во реонот и правец на врвот Кобилица.
-Околу 10.55 во СВР Тетово се јавило лице кое се претставило како планинар и пријавало дека забележал безживотно машко тело над селото Вејце и на пат за врвот Кобилица. Според пријавителот до телото имало и торба. По овластување на јавен обвинител екипа на СВР Тетово замина до местото за да се направи увид, информираше Марјан Јосифоски, портпарол на тетовската полиција.
Исто така по овластување и наредба на тетовското обвинителство телото ќе биде однесено во Институтот за судска медицина во Скопје за идентификација и обдукција.
А.С