Поголем дел од Тетово остана без вода за пиење поради пукање на една од главните водоводните цевки во централното градско подрачје на улицата Илиденска. Поради дефектот во водоводната мрежа без вода за пиење привремено ќе бидат домаќинства и објектите во реонот од плоштадот кон стадионот и касарната.
-Поради дефект во главната водоводна мрежа ф-125 во улица Илинденска ќе има прекин на водоснабдување на дел од граѓаните, во времетраење од 10 часот па се до завршување –поправка на дефектот. Работниците на работната единица „Водовод и Канализација“ ќе бидат максимално ангажирани за побрзо и поефикасно санирање на дефектот, информираат од тетовското комунално претријатие.
Во моментот Тетово се снабдува со 300 литри вода во секунда.
А.С
