Христијан Мицкоски и Биљал Касами по денешната нивна средба во Тетово изразија поддршка за Движењето Антикоцкање и порачаа дека се залагаа за спас од коцкање и игри на среќа како пороци. За Биљал Касами коцкањето е порок и не е добредојден во општеството и на локално ниво.
-Затоа ние како политичка партија и локална власт сме заинтересирани да се тргнат сите вакви бизнис активности од територија на Општина Тетово. Сигурно треба со закон тоа да се регулира, како ќе бидат како ќе бидат организирани овие активности дали решението како е во некои други држави се да биде онлајн или пак да бидат во одредени места со одредени услови. Ваквот начин на живеење на некои луѓе мора да го тргнеме од нашите деца, од луѓе кои имаат изгубено богатство само ради тоа што на секоја улица има казина, истакна Касами.
Мицкоски на новинарско прашање зошто досега не се сретнал со оваа иницијатива, рече дека се сретнал со секој кој побарал средба порано или подоцна и дека стои на располагање.
-За мене коцкањето е порок и препорачувам на секој еден човек да се одвикне од таков порок, кои влијаат на ментално и физичко здравје на луѓето. Ние сме конзервативна партија и како таква ги почитуваме тие вредности. Морам да напоменам дека има политичари кои користат вакви оправдувања а во позадина имаат силни бизнис интереси, истакна Христијан Мицкоски.
ас