Во рамки на втората вечер на „Џез фест“ вечерва од 20 часот настапуваат браќата Тавитијан, едни од најпознатите музичари од Македонија со интернационална кариера заедно со Рани Крија музичар по потекло од Мароко. Влезот е слободен во Центарот за култура „Иљо Антески-Смок“.
-Браќата Тавитјан се едни од најпознатите македонски музичари познати на меѓународно ниво. Во текот на изминатите 25 години, тие имаат изведено над 400 концерти на Балканот, низ Европа и другите континенти. Нивниот музички израз е уникатен спој на неколку музички жанрови со акцент на македонскиот и балканскиот фолклор во комбинација со експресивните елементи на џезот.Покрај со Крија тие соработувале со многу светски познати музичари. Рани Крија соработувал со Стинг, Питер Габриел, Принц, Ени Ленокс, Чик Кореа и многу други, информираат организаторите.
