Во Центарот за јавно здравје Тетово од утре, вторник 19 ноември започнува вакцинацијата со комерцијалните вакцини против грип, чија цена ќе изнесува 650 денари.
Од наредната недела преку матичните лекари, односно преку мој термин ќе започне спроведувањето на бесплатната вакцинација за лицата на 65 годишна возраст, лицата со хронични заболувања и за здравствените работници.
Во Центарот за јавно здравје во Тетово се уште нема случаи на заболени од вирусот на грип.
